Hər gün yemək yeyirik. Bəs yeməyi necə yeməliyik, yemək yeyərkən hansı qaydalara riayət etməliyik və ya nə qədər yeməliyik?
Əvvəlcə çox yeməkdən başlayaq. Həzm sistemində gərginliyə səbəb olduğu, həmçinin həzmi çətinləşdirdiyi üçün mümkün qədər az yemək məsləhətdir. Bundan başqa, tam həzm edilməmiş qidalar bədəndə çürümüş kütlələrin əmələ gəlməsinə səbəb olur və qan dövranını zəhərləyir. Nəticədə bütün sistem zəifləyir.
Əsəbləriniz gərgindirsə yemək yeməyin!
Əslində nə yemək qədər necə yemək də vacibdir. Təbii ki, tələsik, yorğun, narahat yediyiniz yeməklər həzm edilməyəcək və bu yeməklərin elə bir kalorisi olmayacaq. Əhval-ruhiyyəniz nə vəziyyətdədirsə deməli, bütün bədəniniz də bu vəziyyətdədir. Maraqlıdır ki, mütəxəssislər əsəbi vəziyyətdə olan adamların mədə və qarın nahiyyələrini müşahidə ediblər və nəticədə onlarin mədələrinin normal mədədən tamamilə fərqli olduğunu görüblər . sözsüz ki, belə vəziyyətdə mədə normal həzm edə bilməz. Hətta yediyimiz yeməklər bədənimizdə ziyanli turşularin və toksinlərin əmələ gəlməsinə səbəb olar.
Çox çeşidli yeməklər yeməyin!
Eyni vaxtda çox çeşidli yeməklər yedikdə həzm sistemi gücə düşür. Nəticədə sistem zəifləyir. Buna görə də eyni vaxtda 4 çeşiddən artiq yemək yeməyin və yeməklərinizin mümkün qədər sadə olmasına çalışın. Unutmayın ki, həddindən artıq ədviyyatlı yeməklər də olmaz.
Tikənizi tam çeynəyin!
Məlumdur ki, düyü, çörək və makaron kimi yeməklərin həzmi ağızda başlayır. Buna görə də tüpürcəklə yanaşı qarışsın deyə belə yeməkləri çox çeynəmək lazimdir. Tüpürcək əslində yüksək dozalı alkalin deməkdir. Bu baxımdan yaxşı çeynəmək turşuluq dərəcəsi yüksək olan qidalarin mənfi təsirlərini neytrallaşdirmaq üçün də vacibdir.
Yeməkdən sonra dincəlin!
Yeməkdən sonra yorucu fiziki və ya zehni iş də təhlükəlidir. Çünki yemək zamanı bədənin bütün enerjisi həzmə sərf olunur. Belə vəziyyətdə iş gördükdə enerji parçalanir və həzm çətinləşir.
4 dəfədən artıq yemək yeməyin!
Yediyiniz yeməyin həzm olunaraq mədədən çixmasi və mədə şirəsinin yenidən bərpa olunmasi üçün təqribən 4 saat vaxt lazimdir. Rejimsiz yemək yedikdə isə bu şərtlər təbii olaraq, özünü doğrultmur. Buna görə də gundə 4 dəfədən artiq yemək məsləhət deyil.
Yatmazdan əvvəl yeməyin!
Yatana yaxın yemək yedikdə meydana gələn qazlar beyinə mənfi təsir göstərir. Bu bəzən insanin pis yuxular görməsinə də səbəb olur. Unutmayın ki, yatmazdan əvvəl kiçik bir gəzinti də həzmə kömək edə bilər. Əgər gecələr yatmaqda çətinlik çəkirsinizsə , bir stəkan ilıq süd için.
P.S- Sağlamlığınizi qoruyun...
|
