AzNET Hər şey burada!

HP 37 il bundan qabaq nəzəriyyə kimi mövcud olan, yaddaş texnologiyasını yaradıb

Hewlett-Packard şirkətinin tədqiqat laboratoriyalarında, əvvəl yalnız nəzəriyyə kimi mövcud olan, yeni elektron sxem elementi yaradılıb.
Tərtibatçılar tərəfindən yaradılan «memzistor» (ingilis sözü “memory” – yaddaş və “resistor” - rezistor) HP nümayəndələrinin sözlərinə görə, elektron məlumatların saxlanılma üsulu və qurğularını əsaslı sürətdə dəyişəcək.
Memzistorların köməyi ilə məlumatları elektrik enerjisi olmadan uzun müddət ərzində saxlamaq imkanına malik gələcəyin yaddaş çiplərini yaratmaq mümkün olacaq ki, nəticədə kompüterlərin uzun vaxt aparan yüklənməsinə ehtiyac qalmayacaq, onların məhsuldarlığı artacaq və elektron texnikanın enerji sərfiyyatını xeyli azaltmaq mümkün olacaq.
«Memzistor» anlayışı ilk dəfə 1971-ci ildə Kaliforniya Universitetinin professoru Leon Çua tərəfindən məişətə gətirilib. Məhz həmin vaxtda bu qurğunun əsas xüsusiyyətləri və göstəriciləri təsvir olunub. Lakin, bu nəzəriyyəni reallaşdırmaq üçün 37 il tələb olunub, Cybersecurity, yazır.
HP-də yeni qurğunun əsl vaxtında işıq üzü gördüyü qeyd olunur. Belə ki, bir çox istehsalçılar hazırda elektron yaddaş qurğularının və enerji qənaət texnologiyalarının yeni növlərinin istehsalı ilə məşğuldurlar.