Türk fanatlarının Vyana bayramı

20 min azarkeş küçələrə axışdı

Stade de Geneve stadionunda Cenevrədə Çex yığmasına qarşı oyununda artıq Nihat Kahveçinin sonuncu, üçüncü qolundan sonra türk azarkeşlərinin böyük kütləsi Vyananın küçələrinə çıxmağa başlayıb.
Qələbə fitindən sonra azarkeşlər fan-zonadan şəhərin mərkəzinə axışmağa başladılar. Vyananın Ottakringer, Reumann mərkəzi küçələrində, Brigittenau əyalətinin ətrafında və şəhərin mərkəzində Stephansdorm kilsəsinin yanında toplaşıblar.
Təxminən 20 minə qədər insan bazar günü Vyanada fan-zonada kritik və həlledici, qələbə ilə başa çatan Türkiyə yığmasının oyunununa baxırdılar.
Fanatlar şəhərin küçələrində dinc gəzinti keçiriblər. Vyana polisi baş verə biləcək neqativ hallar üçün hazır vəziyyətə gətirilmişdi.
Futbol gecəsi, bayram əhval-ruhiyyəsi ilə hadisəsiz keçib. //Trend