ABŞ-ın 3DFusion şirkəti üçölçülü təsvir üçün xüsusi eynək tələb olunmayan displey hazırlayıb. 3DFMax adlı üçölçülü displey cari ilin 24 fevral tarixində Las-Veqasda açılacaq Digital Signage Exposition 2009 sərgisində təqdim olunacaq. 3DFMax Phillips WOWvx 3D və 2D Plus Depth texnologiyaları bazasında işlənib. Onun digər texniki xüsusiyyətləri barədə məlumat yoxdur. Həmçinin yeni displeyin ev istifadəsi üçün nəzərdə tutulmadığı bildirilir. Reklam lövhəsi kimi istifadə olunacaq 3DFMax binaların həm içəri həmdə bayır tərəflərində quraşdırılacaq. Displeyin qiyməti və satışa çıxarılma tarixi də məlum deyil. Bu barədə Lenta yazır. Xatırladaq ki, ötən il Philips şirkəti baxılması üçün xüsusi eynək tələb olunmayan üçölçülü televizor prototipini təqdim etmişdir. Bundan əlavə 2008-ci ilin avqust ayında Seiko Epson şirkətinin mobil telefonlar üçün üçölçülü ekranı nümayiş etdirilmişdir. Burada da iri həcmli təsvirə xüsusi eynəksiz tamaşa etmək mümkündür.
